FAB (已結業)

2020年3月上旬，香港第一波疫情稍见缓和。虽然当时已经要带口罩出街，但尚未有禁堂食等限聚令。𠮶阵时点会谂到成件事会发展到6pm后会禁堂食、最多2人同枱等措施呢。某个星期六去咗呢间FAB (French🇫🇷 - American🇺🇸 Bistro)食晚饭。餐厅近门口位置系酒吧，有超多人喺度聚集吹水饮酒。行过酒吧后入面就系餐厅，喺里面用餐嘅顾客反而少。因为酒吧跟餐厅相连，时不时会传出嘈杂声，想静静地食餐饭嘅话就未必系一个好选择。不过食物质素算唔错，我哋点嘅每一款菜式、甜品都非常适合我哋口味。主菜煎三文鱼卖相好靓，连拌菜都摆到好靓😆😆最有惊奇嘅系个甜品，$60份量可以两个人share, 雪糕球都有番咁上下大个😝▫️Fish Tacos (HKD148)▫️F.A.B Mini burgers (HKD128)▫️Seared Salmon (HKD188)▫️Apple Crumble (HKD60)希望疫情可以尽快过去，等我可以相约朋友出来饮饮食食啦。