影片
更多
2015-04-24
321 浏览
靓女friend约 Happy Friday，想坐耐d倾耐d，佢提议去七重天，我听个名以为好中菜 style，去到见到间餐厅即刻眼前一亮！好有惊喜！好有情调嘅怀旧装修，劲多靓靓影相位。有怀旧唱片机，仲要有金咪俾我扮嘢！哈哈！VIP房仲正！有张龙椅梳化，可以扮埋古代贵妇！忙完影相就坐低开始饮饮食食，对住 Times Square，坐住大梳化，真系好梳乎！唔饮得酒嘅我，叫左杯「思南路」Mocktail，味道似苹果茶，因为有 Earl Grey 同苹果汁，甜甜地，好味道！我个 friend 饮得酒，叫 bar tender 介绍有乜好饮，bar tender 整左「七重天」俾佢，整到著晒火！七杯都唔同味，其他客都有叫，我个friend 最后拣左杯蓝色嘅薄荷味。睇完 bar tender 嘅精彩表演就返埋位食嘢，叫左几碟串烧，碟碟都好滋味！首先系黑毛猪，一咬落去超软超多汁，够肥，有脂肪香，好正！再上一碟浮夸嘅金萡冬菇，其实金萡无乜味，但造型劲抢眼，菇烧得啱啱好，睇落矜贵但价钱唔贵。明太子鸡翼都好好味，胀卜卜，明太子又香口，鸡肉又嫩滑，食左三只！食完串烧仲有d唔够饱，所以再叫左份 set din
靓女friend约 Happy Friday，想坐耐d倾耐d，佢提议去七重天，我听个名以为好中菜 style，去到见到间餐厅即刻眼前一亮！好有惊喜！好有情调嘅怀旧装修，劲多靓靓影相位。有怀旧唱片机，仲要有金咪俾我扮嘢！哈哈！
VIP房仲正！有张龙椅梳化，可以扮埋古代贵妇！
忙完影相就坐低开始饮饮食食，对住 Times Square，坐住大梳化，真系好梳乎！
唔饮得酒嘅我，叫左杯「思南路」Mocktail，味道似苹果茶，因为有 Earl Grey 同苹果汁，甜甜地，好味道！
我个 friend 饮得酒，叫 bar tender 介绍有乜好饮，bar tender 整左「七重天」俾佢，整到著晒火！七杯都唔同味，其他客都有叫，我个friend 最后拣左杯蓝色嘅薄荷味。
睇完 bar tender 嘅精彩表演就返埋位食嘢，叫左几碟串烧，碟碟都好滋味！首先系黑毛猪，一咬落去超软超多汁，够肥，有脂肪香，好正！
再上一碟浮夸嘅金萡冬菇，其实金萡无乜味，但造型劲抢眼，菇烧得啱啱好，睇落矜贵但价钱唔贵。
明太子鸡翼都好好味，胀卜卜，明太子又香口，鸡肉又嫩滑，食左三只！
食完串烧仲有d唔够饱，所以再叫左份 set dinner，有沙律、汤同羊排。沙律落左酸甜汁，好开胃，有泰色风味。磨菇汤用杯装，超浓，充满磨菇茸。羊排煎得啱啱好，排靓，好食。
食完继续倾倾倾，坐足四粒钟！以后想喺铜锣湾饮嘢，会再上黎！Bar tender 同 waitress 都好 nice!
张贴
