頂好海鮮酒家

营业中

休息中

已经三年冇返香港，今次朋友带咗我去尖沙咀顶好海鲜酒家食晚饭。地点弥敦道都几方便，原来酒楼在地库，感觉有点怀旧味道。朋友订咗一间房，一大班朋友叙旧，有一间房真系好舒服，有私隐度、又唔会嘈到人。返嚟香港一定要食海鲜，叫左：姜葱炒蟹、避风塘濑尿虾、清蒸彬斑、翡翠带子花姿片，碟碟都好新鲜好味道，姜葱炒蟹连啲姜葱都食晒，水准真系唔错。最重要系冇被㓥感觉。烧味都好食：烧鸡皮脆卜卜，鸡肉又热又滑，烧腩仔皮都系脆卜卜。好耐好耐冇食过一餐咁好味的唐餐。同朋友讲好，下次返嚟香港都一定会再去食。