蘇媽.蘇媽馬來西亞茶餐室

营业中

休息中

估唔到系荃湾，都好似飞3个几钟去咗马来西亚，找回马来西亚嘅味道。同阿妈两个人食分别叫咗槟城亚参叻沙米线跟虾酱同槟城福建虾面配辣酱。两者我相对钟意槟城福建虾面，有浓浓虾头味嘅汤底，食落仲有少少辣。配料有虾同两片腩肉。而槟城亚参叻沙米线就比较清新，汤料有大量爽口蔬菜，例如洋葱、青瓜，特别嘅地方系仲有罐头菠萝，汤底酸酸美味好开胃。虾酱甜甜地，同港式系大澳买嘅虾酱唔同，但因为唔知道系点食，所以都冇点太多。食马来西亚嘢，必食有肉骨茶，呢到仲系任添！之前去旅行听到导游讲马来西亚同新加坡嘅肉骨茶系有唔同嘅，马来西亚嘅肉骨茶比较重药材味。呢度嘅系还原喺马来西亚饮嘅肉骨茶，好浓郁嘅药材味，放心入口唔会苦。如果冬天饮一定劲暖身。原本想食棒棒骨，但考虑到得两个人食未必食得晒，所以叫咗猪肚。$42都好多件猪肚，每旧都好厚身，好抵食。我哋仲叫咗串烧。沙嗲酱好惹味，有一粒粒嘅花生。鸡肉比猪肉好味，烧得脆口d，同埋比较入味。两个人食都捧著个肚走。下次一定要多啲人嚟食，试埋奶茶同斑兰特饮，仲有好多人叫嘅多士。