Hugo Le Resto Grill (已結業)

天气不似预期，但肚饿总要食。去完SOGO买银包送俾母亲大人，就带左佢黎HUGO呢度食晚饭，一来方便二来系满足佢食BUFFET嘅想法，虽然呢度只系食半自助BUFFET，但质素同样有保证。沙律吧：选择唔算好多，都系几款沙律菜／粟米豆／秋葵等等。但绝对够食，啱晒我呢嘅有食物选择困难嘅人。其中最回味系个酱汁螺丝粉，只系以香草／白酱同烟肉调制就已经好惹味，螺丝粉好有咬口烟韧，吸埋酱汁好味到食左四碟。再加洒上少少脆烟肉碎，口感风味一流。龙虾汤：浓郁嘅甲壳类香味令其生色不少，汤品唔算杰身所以最啱系撕碎面包落去，混和埋一齐就可以增加口感及味道。牛油果三文鱼炒饭：三文鱼及牛油果各占一半，所以食落唔会偏重一边。牛油果加热后香味无咁强烈，配上鱼肉味道十分讨好，加上饭粒炒得干身有咬口，几好食。安格斯牛腹肉：以铁板上枱并用小蜡烛保持温度，五成熟嘅要求做得啱啱好，牛肉入口较为结实油脂唔算太强，但牛味香浓甘甜。沾上些许黑椒汁提升辣度，滋味一流。甜品：两件一口芝士饼分别系蓝莓及咖啡味，味道香滑唔太甜。尤其钟意芝士饼嘅香味，配上咖啡好好食。咖啡：即磨咖啡好香浓，饱餐过后最啱用黎消消腻。简单嘅一杯咖啡，为满足嘅一餐划上完