Olive Cafe (新領域廣場) (已結業)

朋友介绍呢度三五知己聚会，歌啱听，气氛轻松，无加一，晚餐仲几抵食又好食。晚餐set包括餐汤、沙律任食、白饭任装，石烧日本A4黑毛和牛肉眼，d脂肪同肉质纹理，均匀分布而且颜色鲜嫩。好嘅肉只需好少调味，洋葱放喺肉同石烧中间，洋葱香渗入和牛，烧至5、6成熟，我就连胡椒同岩盐都无落～juicy～香浓肉汁～yummy~蟹肉烟鸭胸蒜蓉白酒意粉，意粉质感熟度刚好不失Q弹感，白酒配搭蟹肉提升鲜甜味，蒜香十足，烟鸭胸肉质都颇嫩而且唔会过咸，唔错。加$12就有餐饮，柠茶柠檬最紧要够新鲜茶不能太苦，呢度一杯就有4-5片新鲜柠檬，茶浓度适中无苦涩味。咖啡香味外貌系正宗咖啡店质素，呢个价钱令人喜出望外～Mocktail 买一送一，都好抵，饮野食饭又一聚脚点。