影片
更多
2017-10-02
157 浏览
今日假期，约咗去朋友屋企打返几圈。大家都心急开枱，谂住都系轻食算，所以就喺楼下揾间茶餐厅，点知连茶餐厅都系咁多人，反正要等位，朋友就带我地食台湾嘢。上次就系同呢位朋友去台湾旅行，仲晚晚去扫街，今次就即管回味一吓。餐厅偌大宽敞，灯火通明。近厨房𠮶边嘅黑板画左啲食物、饮品嘅画，有杯叫人鱼的眼泪，好靓咁㖞。今日系假日，依然有午巿套餐。套餐包括主食同一杯饮品，冬瓜茶或黑糖姜母茶。加$6可转冷饮，加$8可转特饮。台湾特饮咁出名，一定要叫啦。每个餐都奉送小食，可以食完先，唔够喉加$18就有一客小食，全部都系台湾地道夜巿小食，选择都唔少，几吸引咁㖞，即管试吓~~【夜巿烧香肠】去亲台湾扫街必食嘅烧香肠，落咗蜜糖烧，甜甜地又够惹味。【酥炸花枝丸】花枝丸炸到热辣辣，一上枱已经急不及待夹嚟食。炸到皮薄香脆，入面白雪雪嘅墨鱼肉，墨鱼味浓郁，点上酸甜酱好开胃，我地好快就扫晒。【人鱼的眼泪】有芒果汁、柠檬汁、蜂蜜，味道都几balance，三种味道都饮到。浅紫蓝色嘅手工蓝珍珠，好吸睛。【芒果沙冰】芒果味香甜，沙冰饮落凉浸浸，消暑一流。【温泉蛋鲜虾担仔面】面条烟靭弹牙，上面啲肉燥味道十足，仲有我最like嘅芫茜，增加
餐厅偌大宽敞，灯火通明。
近厨房𠮶边嘅黑板画左啲食物、饮品嘅画，有杯叫人鱼的眼泪，好靓咁㖞。
今日系假日，依然有午巿套餐。套餐包括主食同一杯饮品，冬瓜茶或黑糖姜母茶。
加$6可转冷饮，加$8可转特饮。台湾特饮咁出名，一定要叫啦。
每个餐都奉送小食，可以食完先，唔够喉加$18就有一客小食，全部都系台湾地道夜巿小食，选择都唔少，几吸引咁㖞，即管试吓~~
【夜巿烧香肠】去亲台湾扫街必食嘅烧香肠，落咗蜜糖烧，甜甜地又够惹味。
【酥炸花枝丸】花枝丸炸到热辣辣，一上枱已经急不及待夹嚟食。
炸到皮薄香脆，入面白雪雪嘅墨鱼肉，墨鱼味浓郁，点上酸甜酱好开胃，我地好快就扫晒。
【人鱼的眼泪】有芒果汁、柠檬汁、蜂蜜，味道都几balance，三种味道都饮到。
浅紫蓝色嘅手工蓝珍珠，好吸睛。
【芒果沙冰】芒果味香甜，沙冰饮落凉浸浸，消暑一流。
【温泉蛋鲜虾担仔面】面条烟靭弹牙，上面啲肉燥味道十足，仲有我最like嘅芫茜，增加香味。虾都够鲜爽，可惜就只得一小只，多几只就更好。
食得呢个面梗系要拮穿只温泉蛋，捞埋蛋汁食令个面更香滑又有蛋香。
【红烧牛肉面】大大棵小棠菜，大大旧白萝卜、红萝卜。
牛肉有三片，食落软腍，味道OK，不过汤就唔够浓味。
叫得饕锅物，当然有火锅食。门口餐台式手工火锅套餐，每位$200都唔驶，6种汤底选择，全部都好地道台式，仲可以免费转双拼锅。除咗汤底同肉，仲包台式主食(肉燥饭、新竹米粉等)、台式小食、台式饮品、甜品、配料等等。下次可以试吓~
张贴
