The Night Market (又一城) (已結業)

系台湾返黎香港无耐又挂住台湾ge野食，系时候再去回味下台湾食物…见到night market环境干净企理，十分适合坐低食下野倾吓偈😚香酥鸡扒配葱油拌面，粉浆有少少厚，不过鸡扒都juicy。食得耐就觉得有少少咸，不过饮下珍珠奶茶就可以中和返。值得一赞嘅系依间餐厅饮管系用不锈钢，保护环境👍小食拣咗金牌小笼包，不过都几失望。小笼包嚟到嘅时候啲皮已经有啲干，一放落口已经好明显感觉到个皮太厚😩另外单点左一碟糖心蛋。糖心蛋上面有合桃，出奇地合桃同糖心蛋意外地夹好好味😋另外仲叫左猪扒卤肉饭同埋酸辣花枝羹，不过唔记得咗影相。酸辣花枝羹都几辣，食一啖已经觉得好辣，唔食得辣嘅朋友就千祈唔好点啦。猪扒卤肉饭啲猪肉粒系比起平时食开嘅大粒有咬口，但啲汁唔够多如果再多番啲会更好食。