果子｜海南雞飯·喇沙摻摻 (啟昌樓) (已結業)

今日黎大埔依头行街，见到依间果子主打星马菜，一于入黎试下。 午市已经有唔少客人，非常热闹，仲有唔少人叫外卖添。环境唔错好舒适，一啲都唔屈质。 海南鸡喇沙掺掺，海南鸡好嫩滑，鸡皮好弹滑，每一件都好有肉量，而喇沙掺掺嘅汤底非常浓郁，好重椰香味，仲配埋鸡蛋同鱼片添，好实惠！ 肉骨茶饭，肉骨茶好重药材味，每一啖都系精华，有3-4件猪骨，都渗满汤味，泡饭一齐食一流~ 另外仲可以加配小食，南乳鸡翼真心推荐，平时系屋企都煮唔到，而沙嗲鸡肉串烧嘅沙嗲味好香，炭焦味可以再多啲xd。 最后嘅餐饮除咗有普通嘅饮品外，居然仲有好多款台式饮品，真系估唔到。依杯系黑糖珍珠奶茶，味道可以媲美外面嘅台式饮品铺，珍珠口感QQ, 奶茶味好香浓。