麵屋一燈 (已結業)

平日下昼经过餐厅都会见到有人排队，今日下午两点经过见到无人就入咗去试试。入面唔系太多人，装修系典型日式风格，好舒服。一直好回味日本试过嘅柚子味拉面，香港又甚少遇到，见到个餐牌有就即刻点咗。个面好快就上啦，个卖相好吸引，个蛋同埋个笋都唔错。柚子味道相当酸，盖过咗汤底原本嘅味道，可能有人会唔中意，但系对于一向钟意食酸味嘅我嚟讲就好正啦，有好 Fresh 嘅感觉。如果唔系因为见到无人排队，我都唔会发现呢度有我想食好耐嘅柚子味拉面，之后一定会再嚟食。