澳門仔火鍋串燒專門店 (已結業)

今晚约左几个朋友仔晚饭，惊旺角太多人，于是喺油麻地站出，转个弯就见到呢间澳门仔，见门面咁大间，就一于入去试试啦。呢度都几多款式嘅嘢食，有火锅，又有串烧，又有小炒，啱晒啲样样都想试吓既朋友。叫左个澳门海鲜乳猪猪骨锅。个锅一嚟到，哗，乜咁大个嘅，有虾啦，有乳猪啦，有花蛤啦，仲有劲多猪骨㖭。啲乳猪虽然一齐浸落啲汤度，虽然会无咁脆，但系会更加入味。虾都几爽口，加埋清甜嘅粟米，食到好饱。之后再饮埋啲汤，好够味，啲材料嘅味道入晒落去。顺带一提，侍应生帮我地换左几次碟，见我哋啲汤少又主动加水，服务唔错。之后再叫左原条蒜蓉烧茄子，啲蒜蓉好香，连平时唔多钟意食茄子嘅我都忍唔住食左好多。话明澳门美食梗系要试个炭烧猪扒包啦。个包好脆，有少少㶶，啲猪扒好入味，完全感受到澳门嘅风味。