潮福蒸氣石鍋 (已結業)

因为实在太钟意食海鲜啦，所以就同男朋友一齐去揾可以食海鲜嘅地方，揾揾下就见到呢间潮福。食蒸气石锅要去manager到落单先。终于可以食到呢个有草帽嘅蒸气石锅啦。啲海鲜都好新鲜，摆系度俾我地自己任拣，想食咩就拣乜，好方便！而且全程都有靓姐服务。蒸嘢食嘅时候，利用台下边蒸馏水产生嘅蒸气嚟蒸食物，就可以保留原汁原味。食材嘅精华亦会滴系最底层嘅石锅粥底里边。所以首先要准备好个粥底！放米、淮山同瑶柱系石锅入边，食完啲蒸嘅野之后，就有瑶柱淮山粥食啦。 男朋友点咗蒸蟹，放落个蒸架嘅时候只蟹仲系识郁嘎。佢一打开个蟹盖就已经流晒口水啦，因为入面真系超多蟹膏吖！！！ 蟹膏多到要爆mon啦，哈哈哈哈之后就系我地食海鲜必点嘅蛏子皇，要食梗喺要食大只啲嘅。肉质新鲜，而且有粉丝同蒜茸调味，十分香口。 南非龙虾，店员放好龙虾之后，调好台面上嘅计时器，听到嘟嘟声就有得食啦！！！蒸蚬，唔洗加任何调味嘅海鲜，可以食出海鲜嘅鲜甜原味。