德國餐廳 (已搬遷) 新店位置

上年同朋友去完欧洲食过猪手之后，一直都好挂住好想再食，之后有朋友介绍依间话猪手好正崇，而且价钱都好抵，就决定要去回味下。佢个环境都好似德国既餐厅，用咗木嚟做主要既材料，而且灯光都系好有feel。除咗猪手，餐厅都有好多选择，例如猪排骨、牛扒、徳国肠等等。而且，食猪手梗系饮啤酒啦，啤酒既选择都有好多，仲有我几钟意既hoegaarden rosee。我地叫咗德国咸猪手配酸菜同埋薯仔沙律，个猪手一嚟到个卖相就好吸引，见到佢块皮就知口感系好脆。试咗个肉之后，我同朋友都觉得系有德国既味道，而且佢吾算好咸，好适合我地。佢仲有一个几特别既酱，我地食得岀有黄姜粉既味道，点猪手真系一流。之后我地叫咗二人份量既西班牙海鲜饭，佢好足料，有青口、大虾、蚬同埋鱿鱼。我地叫咗一杯Hoegaarden rosee同埋Guinness sugan。后者都好特别，有微微既咖啡味，饮完之后仲有余下既啤酒苦味。