金船長餐廳 (已結業)

今日同朋友庆祝生日🎂收工后就嚟咗金船长食晚餐🤗平时听同事讲呢度嘅黑松露Pizza好正，今次终于试咗！佢个外形似烘三文治，好脆口，同埋佢洒左面包糠系面，加埋本身黑松露同芝士份量好足料，睇得出佢地好用心整，成个菜式系设计过。waiter好细心咁同我介绍pizza三种食法，有原味、提子醋同沙律菜食法，我个人比较钟意原味同沙律菜，因为咁样食黑松露既香味好出，谂起都想再食😂提子醋就酸酸甜甜，中和返芝士既油腻感，系一个好细心设计既配搭。另外仲叫左蜜糖烧汁焗猪手，呢个真系要赞！平时我系唔会食猪手，我惊肥同埋d肉唔靓。但系呢到个猪手首先好大件先啦，跟住肥细分布又均匀，个皮就算厚同有肥膏，食落都唔会腻同成口油，猪手既肉亦都好嫰滑。最重要系佢个蜜糖汁，甜甜地又有烧烤个种香味，同配菜（紫薯、蕃茄、栗米、菠菜）夹埋一齐食个口感同香味都系一流！绝对推介猪手，值得一战😋😋饮品得拣冻朱古力，大大杯又浓朱古力味❤️小食就叫咗法式焗田螺，蒜蓉味好香加上我觉得田螺啱啱好，面包浸落去啲蒜油到真系好开胃，做头盘食既份量系岩岩好。甜品就朱古力心太软🤗心太软个朱古力做得好好，唔会太甜，同埋质感唔会「结达达」，加上焗既时间又系配合得