阿爺燒鵝餐室 (已結業)

今日去筲箕湾工联会睇家具，晚餐想食中式野，经过呢间阿爷烧鹅差不多坐满了人，决定今晚揾阿爷烧鹅衣饱我个肚。我点了邪恶金蛋叉烧饭，原本唔知邪恶金蛋有咩咁邪恶，原来系咸蛋黄炒滑蛋，新加坡的咸蛋鱼皮就食得多，没想到咸蛋炒蛋原来咁夹，每一口的滑蛋都充斥著咸蛋粒，系会食上瘾架！叉烧份量不少，我怕肥，点了瘦叉，瘦叉都够林。另外叫了三宝饭，即烧鹅、油鸡、烧腩饭，油鸡好滑，好够味；烧鹅皮脆肉嫩；烧腩啲皮较厚身，没有太多肥膏，怕肥人士都啱食。没料到三宝饭个豉油有惊喜，净系个豉油捞饭都已经好好味，送饭一流。合掌瓜鸡脚汤好足料，有三大旧合掌瓜，鸡脚煲到好林，筷子一夹立即碎开，我汤渣都食埋😄