八海山

营业中

休息中

之前见到介绍话依度多日本人嚟食，本住一试无妨嘅心态嚟试下，果然系一间颇正宗嘅日式居酒屋，隔离一枱全部都系日本人，对食物都多咗一定信心~ 刺身沙律🥗角切刺身铺满沙律，配上开胃嘅沙律汁，份量多之余亦都好新鲜，抵食！ 日本鲈鱼🐟餐厅不时都有日本飞机货，今次有日本鲈鱼，单睇精致嘅造型就已经非常吸引，薄切鲈鱼极富鲜味，肉嫩，厚度均等，可以沾萝卜蓉、姜蓉一齐食👍杂锦天妇罗🥢杂锦天妇罗包括虾、南瓜、蕃薯、茄子、冬菇，南瓜，粉浆薄薄一层非常松化，没有多余嘅油份，难得地轻盈唔油腻，南瓜同蕃薯味道香甜，超级好食😋玉子烧🍳玉子烧口感松软，系日本家庭风味~高菜炒饭🍚一嚟到就闻到芝麻嘅香气，炒饭入面有雪菜、芝麻、白饭鱼仔，日式雪菜冇中式雪菜咁咸，大量芝麻亦令炒饭嘅味道升华!