宮崎肉本舖 (已結業)

成班朋友聚会，最钟意一齐去食日式烧肉！边倾计边烧肉，气氛好热闹！我地点咗个「宫崎A5桜花牛极上放题」，除咗有10款宫崎A5 桜花牛之外，仲有几十款来自日本嘅食物，相当丰富！餐厅会先上一个和牛拼盘，入面有齐10款部位，包括：肉眼、和尚头、前腿肉、寿喜烧、肩里肌、肩口肉、牛肋肉、五花肉、内后腿及外后腿肉。头4款系一次性，其余6款可以无限追加。咁多款牛肉，先由油花比例较少嘅食到油花比例较多的，循序渐进。 我好钟意肩口肉同埋和尚头，油花分布好靓，每啖都充满油香，美味至极！仲有不得了嘅肉眼！侍厅会帮忙烧，好似喺到表演咁，非常有睇头！肉眼烧得唔错，内口即溶嘅口感真系令人好回味，幸福感爆登！！中间我地都点咗唔少前菜，例如冷豆腐龙虾沙律、和风蕃茄及渍物三品等。推介和风蕃茄，味道好开胃，够哂清新！我encore咗3次，推介！日式酱烧茄子，烧得几香口，仲铺上木鱼碎，几有口感又增加咗鲜味！仲有自家制九州和牛黑松露饺子，味道真系唔错，和牛馅料足，再带阵阵松露香。内脏方面，牛同鸡都试咗唔少，香港真系比较少机会可以食到来自日本嘅内脏。牛肝要小心啲烧 控制到岩岩好就会好软滑！鸡冠 辣新地好爽口 ，鸡颈肉 充满弹性又