千福中日火鍋料理 (已結業)

之前见杂志介绍觉得装修好靓..唔同部位既牛肉又好吸引, 巳经想去试.今次仲加埋张8折coupon..于是即刻call齐丧食兵团..一行10人出征尖沙咀...星期日晚市唔算太多人..经理见我地10个人..就俾咗间VIP房我地班哗鬼....间房真系几鬼大..仲有个小偏厅...好啦..开始讲下食物先..我地叫咗一个北海道牛奶鱼汤...超浓香..连加汤都系加番牛奶鱼汤ga..一个生果汤底..清清甜甜..几得意..我地呢班牛魔王先叫咗两碟牛肩脊..哗..超劲滑..入口即溶..依家讲起都有d挂住添..跟住再加多碟樱花牛粒..同边位..经理话我地order咗咁多牛肉..可以叫师傅即席切俾我地睇..咁得意..咪睇下啰..师傅推住架战车入嚟问咗我地既口味..跟住就攞咗一旧好大既牛肉出嚟切啦..感觉好新鲜..鱼三角..连唔钟意食鱼既Daniel都话正..日本象拔蚌...比加拿大既甜d..云吞..肉太多...又细咗d..食唔到有虾...仲有鳄鱼肠..,听到都惊...佢地食完话好爽..好好o赵...虽然$330好似贵咗d...不过食完之后又好挂住d牛肉...系值得既..仲有d北海道牛奶鱼汤....