小天使餐廳 (已結業)

赤柱一日游，夜晚重回呢间2-3年前去过嘅餐厅食dinner。咁耐冇食，仍然觉得野食好味道，keep到水准。当然，如果要同赤柱其他贵价餐厅比，可能环境唔够佢地靓，服务唔够佢地好，野食唔够佢地出色，但以呢个价钱喺赤柱食到呢个质素嘅食物，我觉得已经好ok。我同朋友2个人叫左2个主菜。其中一个转左set，包一碟冻翡翠螺加餐汤。翡翠螺好爽，但冇乜螺味，呢碟觉得一般。Risotto with shrimp - 食得出用珍珠米煮，唔会太淋，味道香浓，好味! Roasted Pork Knuckle - 超好食，皮脆肉软滑，我同朋友都觉得好好食，加少少蜜糖酱，仲正! 我地嗌饱但都忍唔住清晒成碟个猪手真系值得推介! 之前黎嘅时候仲试过佢嘅pizza同pasta，虽然唔记得系边款，但都好味道! 食到中途waiter有帮我地换碟。整体我觉得都几好，系一间值得再去嘅餐厅