滿屋日本料理 (已結業)

首先今日我同班friends去左尖沙咀满屋食日式放题，然后一去到我就点左大量三文鱼同埋甜虾及其他刺身，另外点左焗𧐢同埋蒜香牛柳粒。刺身方面：刺身拼盘好靓、啲刺身好新鲜。我个人认为甜虾最好食，另外焗𧐢卖相好吸引而且味道更加美味，原因有好多芝士，而蒜香牛柳粒不会太大件，容易入口。之后系食野过程中，我个朋友介绍我食香煎银鳕鱼，我觉得呢款食物特别令我深刻，因为其实本人间中会玩下煮饭仔，我都有试过煎银鳕鱼，不过个分别系天渊之别。呢间餐厅好食10倍，去到必点既一款菜式。之于甜品就有焦糖布丁、朱古力布丁、曲奇蛋糕、豆腐花同雪糕。最后服务员既态度良好，我好几次张放题纸无写到枱号，啲员工都好有礼貌提醒我写返。其次上菜时间快、经常自动自觉为客人加茶。整个餐厅既气氛令我食得好舒服，而且食物种类甚多同高质，唔怕食呢食去都系个几种，适合一大排friends去食，值得去尝试👍