川粵米線大王 (已結業)

川粤系红磡有两间分店，两者隔三分钟左右路程，新店大d舒服d,不过我情有独钟，大学开始食到依家都系黎旧店呢边 。米线(转左薯粉，唔洗加钱)同口水鸡有得分开叫大中细辣，个人觉得米线细辣就够，辣油太多会好油腻。反而口水鸡可以自己选择下，中辣都唔过份既！口水鸡既味道同谭仔唔同，好难详细形容，比较香同浓啦！个人钟意呢度既味道多d 。重点系鸡好好好滑！薯粉较粗身弹牙，加埋冻饮都系$35,平靓正啦！