影片
更多
2016-11-02
328 浏览
听同事提起「周记」好多次，卒之揾到一日夹齐成team人一齐由公司飞的过西环食个lunch。舖仔虽小，但点心就有好多选择。同事极力推荐芝麻虾多士，哗！一上枱，完全颠覆左虾多士响我心目中既形象！厚厚既虾胶配上薄薄一片，兼炸到好脆但又不油腻的多士，顶级好味！一碟四大件，都只系$35，真系搅虾胶既手工钱都唔止。一班同事叫左几廿碟点心，基本上样样都好好味，特色推介黑松露汤饺。个汤真系充满黑松露味，忍唔住成碗干左。同事一直叫我要留肚试西多，我地点哂两款奶黄流沙和香芋流沙。两款都劲正。香芋味道好浓但又唔会太甜；而奶黄流沙食到好多咸蛋黄响入面，感觉似食紧某某酒店受到热捧的奶黄月饼。好味！值得一赞的，系lunch时段，全场爆满，门口仲有一大班人排紧队，店内得两位姐姐做野，但上菜、加茶、招呼完全无问题，速度亦好快。仲送左碟怪味拍青瓜俾我地食添！
同事极力推荐芝麻虾多士，哗！一上枱，完全颠覆左虾多士响我心目中既形象！厚厚既虾胶配上薄薄一片，兼炸到好脆但又不油腻的多士，顶级好味！一碟四大件，都只系$35，真系搅虾胶既手工钱都唔止。
一班同事叫左几廿碟点心，基本上样样都好好味，特色推介黑松露汤饺。个汤真系充满黑松露味，忍唔住成碗干左。
同事一直叫我要留肚试西多，我地点哂两款奶黄流沙和香芋流沙。两款都劲正。香芋味道好浓但又唔会太甜；而奶黄流沙食到好多咸蛋黄响入面，感觉似食紧某某酒店受到热捧的奶黄月饼。好味！
值得一赞的，系lunch时段，全场爆满，门口仲有一大班人排紧队，店内得两位姐姐做野，但上菜、加茶、招呼完全无问题，速度亦好快。仲送左碟怪味拍青瓜俾我地食添！
张贴
