影片
更多
2017-09-27
8679 浏览
荃湾野食多就系人都知架啦, 但次次都系泰国野越南野, 今次就拣左间冰室食返港式野, 地方一啲都唔难揾呢, 都系A出口果边果堆餐厅云集既美食区。虽然系平日夜晚但都好旺场, 入去岩岩果一千零一张比我坐到好彩~~~ 以冰室茶记黎讲佢装潢都好新净同清洁, 而且红色梳化夺目之余坐得几舒服。见到周围都系食紧瑞士鸡翼/鸡肶, 我又跟住叫埋一份, 跟埋佢个招牌蕃茄通粉, 净系拣配料同小食都好多选择, 配料可以拣健康既菇呀菜果D, 肉又可以拣叉烧 鱼肉 牛肉 猪润果D, 但我最后都系拣鸡肶。特色蕃茄浓汤通粉配牛乳炒蛋 $48蕃茄通超大碗, 上面件滑蛋都好大旧, 因为浸左汤会无咁嫩, 但依旧蛋味浓郁, 但蕃茄汤果然名不虚传, 好浓既蕃茄味, 蕴藏唔少蕃茄鲜肉系入味, 一D都唔会稀, 交足料, 味道天然得黎以蕃茄既鲜为主, 唔会落好多糖去中和蕃茄既酸, 不过都唔洗担心会太酸, 我觉得岩岩好, 通粉都份量好多,最后我连啲汤都饮哂~主角瑞士鸡肶出场, 惊喜度比起蕃茄通更高呢!!!! 瑞士汁浓郁之余, 味道完全渗入左鸡肶肉, 每一啖都品尝到瑞士汁既香浓, 佢瑞士汁果种前浓后甜令人回味, 鸡肉嫩滑亦系卖点之一, 完
荃湾野食多就系人都知架啦, 但次次都系泰国野越南野, 今次就拣左间冰室食返港式野, 地方一啲都唔难揾呢, 都系A出口果边果堆餐厅云集既美食区。
虽然系平日夜晚但都好旺场, 入去岩岩果一千零一张比我坐到好彩~~~ 以冰室茶记黎讲佢装潢都好新净同清洁, 而且红色梳化夺目之余坐得几舒服。
见到周围都系食紧瑞士鸡翼/鸡肶, 我又跟住叫埋一份, 跟埋佢个招牌蕃茄通粉, 净系拣配料同小食都好多选择, 配料可以拣健康既菇呀菜果D, 肉又可以拣叉烧 鱼肉 牛肉 猪润果D, 但我最后都系拣鸡肶。
特色蕃茄浓汤通粉配牛乳炒蛋 $48
蕃茄通超大碗, 上面件滑蛋都好大旧, 因为浸左汤会无咁嫩, 但依旧蛋味浓郁, 但蕃茄汤果然名不虚传, 好浓既蕃茄味, 蕴藏唔少蕃茄鲜肉系入味, 一D都唔会稀, 交足料, 味道天然得黎以蕃茄既鲜为主, 唔会落好多糖去中和蕃茄既酸, 不过都唔洗担心会太酸, 我觉得岩岩好,
通粉都份量好多,最后我连啲汤都饮哂~
主角瑞士鸡肶出场, 惊喜度比起蕃茄通更高呢!!!! 瑞士汁浓郁之余, 味道完全渗入左鸡肶肉, 每一啖都品尝到瑞士汁既香浓, 佢瑞士汁果种前浓后甜令人回味, 鸡肉嫩滑亦系卖点之一, 完全无过老过嚡既情况, 无论酱汁同鸡肶肉都咁高质, 好食到想即刻叫多只…但被朋友制止我!!!!!
厚切牛乳炒蛋治 $20
呢个蛋治真系好癫, 实物比餐牌上既图更加大, 帮佢拍左唔少写真呢!!!!! 我谂起码用左3-4只蛋先炒到咁厚身既炒蛋, 虽然蕃茄通都有炒蛋, 但两者明显有分别, 因为呢个蛋治既蛋味更突出, 而且比较之下较滑身, 虽然厚但中层既炒蛋仍然出微微丝滑既口感, 唔会老得济, 难得食咁厚身既蛋治但唔觉好漏, 唔会加过多牛油, 所以感觉较健康, 面包系普通白方包, 无咩特别, 但都属于软身类别, 但廿蚊就好抵!!!!
焗芝士西兰花 $36
食左咁多野当然要食返D菜, 西兰花就系我至爱喇, 芝士满布表面, 而且岩岩焗出黎所以超级热辣辣, 西兰花份量好多, 近乎一大棵, 除左表面既芝士外, 每件西兰花都浸住忌廉, 所以好浓味, 岩哂我, 唯一就系D西兰花可能因为浸住忌廉去焗, 所以淋身左D, 无左爽口感, 但都系接受范围内。
饮品拣返普通既涷柠茶, 不过不失, 够大杯, 柠檬够厚身。
冰室茶记一向系我至爱, 因为我就系麻甩, 哈哈, 但令我特别深刻或者特登去食既就唔多, 但呢间系会令我回头既冰室!!!!
张贴
