犇道 (已搬遷) 新店位置

我个仔好钟意食牛，得知龙门居有间小店有慢煮牛食，就去试下，估唔到，超级惊喜！阿仔叫左个火山牛，见相片造型都好得意，好立体，日本珍珠米外由一片片牛肉包住，上面仲放咗只温泉蛋，上碟时同张相一样，十分难得，相信好多食店都做唔到，厨师真系用心制作，味道亦好夹，d牛虽然好大片，但完全唔靭，加埋只温泉蛋，我个仔食到舔舔脷。我老公就叫咗个黑咖哩三重奏，我一向少食炸野同辣野，但d炸物完全唔油腻仲好脆好香口，黑咖哩就好特别同好味。我就叫咗碗义烧拉面，个汤底同埋d面感觉好日本feel, 竟然做到系日本食拉面的水准，好有惊喜。我见隔离枱食鳗鱼饭，d鳗鱼饭舖满成个饭面，睇见都好想试。依间小店食物价钱唔贵，但食物质素非常好，感受到老板真是用心经营，用心制作，值得推介，一定会再试。