潮福蒸氣石鍋 (已結業)

之前已经食过潮福蒸气锅，因为觉得佢真系好抵食，所以今次就系屋企附近再同一班朋友一齐嚟食。钟意嚟呢度食嘅其中一个原因系因为觉得店员服务周到。黎亲呢度都好似食残废餐咁，因为店员会帮你上每一道菜，会将每一道海鲜计好时间蒸同埋上碟，确保食材处理得刚刚好。今次叫咗淮山鸡粥底因为今天没有大闸蟹，所以三个定食系脆皮乳鸭、贝壳盛盘同生猛龙虾。不过刚刚好今天全部朋友都唔吃蟹。不得不提个生猛龙虾，真系超生猛，放落蒸盆前仲系跳下跳下，超新鲜。之后我地仲拣左生猛大元贝、鲍鱼、蛏子皇同龙趸件。鲍鱼好大只用虫草花蒸，好滋补养颜嘅感觉。元杯系计龙虾之后嘅第二最爱，肉质柔嫩又新鲜，一定要叫。最后食埋个粥作结，起初以为啲味会怪怪地。但最后估唔到个粥非常鲜味，同埋煲得好绵，简直系成餐嘅精粹。