爆丼丼 (已結業)

天气太热实在唔想食热野，食刺身寿司𠮶啲就最啱。同男朋友去开荃湾行街，就问吓住荃湾嘅朋友有乜好推介，朋友话呢间爆丼都唔错咁就试吓。我自己钟意食海胆，够creamy，送饭一流！见到佢呢一个四重爆丼有成半碗海胆咁鬼澎湃，即叫。男朋友就拣咗极上鱼生丼，话果两只大虾好吸引！原来每一个饭都会跟一碗面豉汤，味道都几浓！不错饮完碗汤个饭就上啦！perfect!见到碗饭，心里面不期然哗咗出嚟！成板海胆咁上下呀！而且面头轻轻用火炙过，香到不得了！加少少豉油Wasabi即刻开动！厚厚一层海胆，creamy口感，入口即溶包住每一粒饭，冇得弹！海胆新鲜又唔腥，正！拖罗蓉真材实料，仲有少少嘅陀罗件系入边，睇得出嘅肥美，食落脂香十足。帆立贝大大件有两件，甜。三文鱼子咸香，同海胆一齐捞饭食，完美。男朋友嘅极上鱼生丼，两只大虾入边真系有膏㗎，味道好似蟹膏，甘香到极。如果可以送酒就好，可惜呢度只有罐装啤酒。嘅另外两种鱼生都好肥美，而且厚切，口感同脂香十足。佢𠮶碗都有海胆，新鲜靓仔到呢。总括嚟讲呢餐非常满足，爆丼丼嘅刺身质素真系唔错，性价比高，下次会再嚟。