茶木‧台式休閒餐廳 (已結業)

好耐无去过茶木，突然又好想食茶木嘅多士，于是同咗男朋友去食，第一次去呢间茶木，环境好靓，好高级嘅感觉。侍应安排左我哋坐卡位，张凳粉蓝色好科幻嘅感觉。坐低之后打开餐牌见到样样嘢食都好吸引，最后叫咗酥炸鸡扒面、黑松露培根蛤蜊炖饭锅、草莓香草蜜糖砖块。上菜好快。酥炸鸡扒面：鸡扒炸得非常好，唔会觉得有好多炸粉，口感外脆内软，份量都几多下，面同鸡扒系分开上嘅，面系阔面，厚厚地，我好钟意食个面，因为好有咬咁，面上面有啲咸菜。黑松露培根蛤蜊炖饭锅：个饭好似意大利饭，蚬嘅份量好多，个饭超级好食。草莓香草蜜糖砖块：每次去茶都一定要食呢个砖块，今次叫咗草莓味，以前叫呢个砖块需要等20分钟，而家已经唔驶等咁耐，大概五至10分钟已经上枱，我哋当时仲未食晒啲主食，所以碟砖块放咗喺侧边，起码放咗有10分钟我哋先食佢，但系因为上面𠮶啲系雪芭，所以都唔溶完全冇变过样，食落去个雪芭仲系冻冰冰，多士仲系脆卜卜，食极都唔厌。