隠家拉麵工場 (已結業)

呢间深水埗嘅拉面真系够哂隐世，因为佢位于西九龙中心嘅苹果商场入面，而苹果商场系卖杂货嘅地方，又点估到深处有间咁好食嘅拉面呢！食开深水埗美食嘅我就当然知道呢间隐家拉面工场啦！以前食开隐世白伝，今日决定食新口味！隐世黑伝 : 听个名就知系黑蒜油嘅汤底，重口味人士必点！除左好似一般沾面舖有好重黑蒜嘅味道外，佢仲有好重嘅芝麻香味，成为佢与众不同嘅特色。隐世赤伝 :蕃茄同辣呢个组合一直系绝配。呢个沾面主打蕃茄汤底，加上少少辣味，将蕃茄汤同埋猪骨，猪肉，叉烧嘅味道带出一个新嘅层次。如果你系钟意番茄汤底的话，呢一个番茄汤底嘅沾面绝对适合你。至于佢嘅叉烧同埋拉面都系水准之上，叉烧煮得入味，肥瘦适中，拉面亦保持弹牙，粗嘅拉面挂汤能力好高，啖啖都食到浓郁嘅蕃茄味。喺香港食过咁多拉面沾面，都好少食到一个番茄汤底咁浓郁但无味精感嘅沾面，呢个沾面俾到人惊喜呢！最钟意呢间沾面水准高但位置够隐蔽，唔会好似闹市旺区嘅拉面舖成日大排长龙，真系排到饱都未有得食，所以呢间沾面大推！