泰金國 (已搬遷) 新店位置

呢间九龙城泰国菜都好出名，平时都排好长龙，今次就同朋友等左一个钟左右。入到去店员就会同你讲有限时既，而且落单系一次过。因为好饿，我地即刻就落左6样野喇，咁我就推荐我最中意果几样。首次就系泰式凤爪，味道好好，但就有啲辣。泰式冬阴公睇个样都见到好足料，酸酸辣辣好开胃，仲饮到好重椰汁味。椰汁沙冰我觉得好好饮，好有泰国既味道，因为佢有咸咸地既味。烧牛肉呢间既烧肉好出色，佢烧到岩岩好，好惹味，牛肉好嫩，好好食，另外仲嗌左个烧猪颈肉都好好食，但无影到相。整体黎讲，啲食物都好高质，好地道，价钱也亲民，就算要排队都好想再去。