影片
更多
2022-06-04
985 浏览
喺商场揾嘢食期间... 见到「围威喂」个名好特别... 感觉几有亲切感!上紧四楼扶手电梯已经俾佢耀目嘅装修吸引住... 一幅鲜黄色店舖外墙... 印咗餐厅logo... 我觉得呢个logo设计得几好... 好似号召紧大家一齐入去围住食吓嘢、吹吓水咁!🤭环顾店面... 装修明亮带朝气... 简洁中见细节... 而海蓝色嘅瓷砖同柠檬黄色嘅梳化非常搭配... 好sharp好醒神! 食物方面... 选择颇多! 有2人餐、4人餐... 甚至素菜餐单... 照顾唔同人士嘅需要! 我同朋友今晚order咗呢d👇🥗 泰式软壳蟹青芒果沙律 $98软壳蟹炸到金黄香脆... 由青芒果丝、甘笋丝、沙律菜、车厘茄组成嘅沙律非常清新爽口... 平衡咗炸物嘅油腻感... 系前菜嘅好选择!🦐 扎扎跳手打虾饼 $68有3嚿炸虾饼... 大小适中... 由于系手打嘅关系... 食落特别弹牙... 系食泰菜必叫嘅小食!🐷 烧猪颈肉 $98 猪颈肉烧出嚟好香口... 配埋酸辣汁非常惹味!🐔 冬荫公单骨鸡翼 $68个人觉得呢款小食好抵食... 份量足之余... 仲要系好好食! 冬荫公味嘅鸡翼好特别... 冬荫公味道唔会太抢
上紧四楼扶手电梯已经俾佢耀目嘅装修吸引住... 一幅鲜黄色店舖外墙... 印咗餐厅logo... 我觉得呢个logo设计得几好... 好似号召紧大家一齐入去围住食吓嘢、吹吓水咁!🤭
环顾店面... 装修明亮带朝气... 简洁中见细节... 而海蓝色嘅瓷砖同柠檬黄色嘅梳化非常搭配... 好sharp好醒神!
食物方面... 选择颇多! 有2人餐、4人餐... 甚至素菜餐单... 照顾唔同人士嘅需要!
我同朋友今晚order咗呢d👇
🥗 泰式软壳蟹青芒果沙律 $98
软壳蟹炸到金黄香脆... 由青芒果丝、甘笋丝、沙律菜、车厘茄组成嘅沙律非常清新爽口... 平衡咗炸物嘅油腻感... 系前菜嘅好选择!
🦐 扎扎跳手打虾饼 $68
有3嚿炸虾饼... 大小适中... 由于系手打嘅关系... 食落特别弹牙... 系食泰菜必叫嘅小食!
🐷 烧猪颈肉 $98
猪颈肉烧出嚟好香口... 配埋酸辣汁非常惹味!
🐔 冬荫公单骨鸡翼 $68
个人觉得呢款小食好抵食... 份量足之余... 仲要系好好食! 冬荫公味嘅鸡翼好特别... 冬荫公味道唔会太抢... 鸡中翼炸到好香脆可口... 而且对半切开方便食用... 女士们点呢款小食嚟食都唔怕失仪!
🦀 红咖喱软壳蟹 $128
份量好够... 有2只炸软壳蟹... 配料有茄子、粟米仔、豆角、车厘茄! 红咖喱汁香而不辣... 我用淋落炒饭一齐食... 食到lam lam脷!😋
🍚 招牌泰皇蟹肉炒饭 $98
除咗蟹肉同饭... 配料有红葱头、豆角同蛋! 炒饭炒出嚟够干身... 而且粒粒分明... 好有镬气! 另外... 随附既泰式辣汁... 少少辣... 好惹味!
🍹 榴梿忘返在马拉 $38
呢款特式饮品系蔗汁入面放咗嚿去核榴梿... 我钟意蔗汁嘅清甜... 又钟意榴梿嘅香浓... order一杯完全满足我2个愿望!
整体而言... 呢间食店保留咗传统泰式/东南亚菜式风味... 又敢于创新! 食物及环境质素非常唔错... 价格好合理... 系值得帮衬嘅食店!
1 浏览
0 赞好
0 留言
张贴
