品香樓中西風味餐廳

营业中

休息中

偶尔想放纵一下自己，就会想拉队去品香楼食下啲煎炸甜嘢。今次我哋叫咗七味椒盐豆腐（ $78 ）、蜜桃沙拉骨（ $92 ）、避风塘生蚝（ $108 ）。每碟𩠌都系热辣辣上枱，色香味全。椒盐豆腐外面炸得香脆，豆腐好软熟而且有豆香。沙拉骨就非常惹味，食到舔舔脷。避风塘生蚝其实即系椒盐炸蚝，口感同椒盐豆腐有啲似，但肥美嘅蚝味道浓郁，令佢有自己特别嘅味道，即使一餐有两道椒盐菜式，都唔觉得闷。当然唔可以忘记冻朱加忌廉，朱古力又浓又滑，加上邪恶嘅忌廉，完美演绎这放肆又满足的一餐。