湘湘娘娘 (已結業)

啱啱攞咗消费卷,今日即刻约朋友去尖沙咀行街睇戏顺便食饭,睇完戏朋友带咗我去一间新开嘅四川菜。湘湘娘娘,餐厅位置喺尖沙咀北京道12号A号太子集团中心8楼,上到餐厅装修得好有格调,望落去非常整洁, 座位空间感好足够楼喺度食饭感觉真系好舒适。酸辣土豆丝 68元,土豆丝口感爽脆,食落去酸酸辣辣,特别开胃,用嚟配饭真系一流，仲要份量非常多，性价比极高花雕醉鸡 108元,卖相十分好,上面仲放有几粒鲜红色嘅杞子，入口鸡肉吸晒花雕酒嘅香味,好入味,鸡皮带点爽脆,鸡肉仲系好嫩滑,鸡嘅鲜味同花雕酒嘅味道好配搭, 作为前菜真系一流瑶柱蛋白炒饭 138元,一丝丝嘅干瑶柱提升咗个口感, 炒饭亦都好入味,火喉控制得好好,炒饭粒粒分明,葱花,蛋白,配埋瑶柱令到个味道更加有层次，仲非常饱肚👍🏻干烧大虾 188元,干烧大虾真系好惹味,虾嘅size仲非常大只，上面的酱汁酸辣惹味,入口虾肉好新鲜味道鲜甜,口感爽口弹牙,配上秘制酱汁,令到虾的鲜味更加突出。砂锅腌笃鲜$188，用咗香浓嘅鸡汤作为汤底，汤底非常鲜甜，入面仲有冬菇，金华火腿，同埋小棠菜，非常健康