日暮家 麵匠 (已結業)

虽然系名人食店，今次第二次光顾，真心系为左佢嘅拉面，因为自己系非常喜爱日式拉面，第一次食完一直念念不忘，衬今日冇咁热，有少少风，再次回味一下日暮家拉面嘅美味道。因为仲系新开业期间及名人效应嘅关系，起码要排个半钟先有得食，唔好彩的话可能截埋龙，所以有兴趣试下嘅朋友要留意。个人推介日和拉面，浓浓的鸡白汤，另人一试难忘，真系食过返寻味。而佢期间限定的柠檬蚬贝拉面就好清新，适合唔想咁浓味嘅朋友。可惜今日溏心蛋太快卖晒，美中不足。