影片
更多
2020-02-03
112 浏览
近日社会嘅气氛唔好都令到我心情好差见今日星期日无咩做就约左果好耐无见嘅朋友岀黎食番餐 平衡一下心态网上见佢野食卖相同评价都唔错 就两个人上黎试一试 一入到去店员就带左我地入座 环境宽敞 枱同枱之间都有啲距离唔会话听到隔离枱讲咩<第一道 大根沙律>第一个𩠌我地叫左个沙律开开胃 萝卜丝配合青瓜相当爽口 加埋下面类似寿司醋味道嘅酸甜酱汁 净系闻到都口水流晒 食完呢个沙律真系可以食多好多野<第二道 刺身拼盘(梅)>刺身好多时都讲求新鲜同埋时令 因为时令先可以令鱼嘅肉质发挥得最好 今次嘅刺身有四款 而当中嘅𫚕鱼同红鲷最为岀色 红鲷食落鲜甜爽口 𫚕鱼鱼味十足 油脂分布平均 真系好难形容<第三道 香葱吞拿鱼腩蓉薄脆>呢个算系一个几特别嘅菜 叫嘅时间都系抱住试新野嘅心态 食落真系不得了 佢个薄脆唔系预早整定系你叫佢先放落去炸 上枱果时仲系热嘅 配合冻嘅吞拿鱼蓉 有一冷一热嘅口感 而且鱼肉鲜甜味经过左薄脆之后更加特岀(个薄脆真系好似平日食嘅米通)<第四道 牛油果彩虹卷>听店员讲好多客黎到都会点呢个 作为一个为食嘅人听到店员咁讲一定要叫黎试下
见今日星期日无咩做就约左果好耐无见嘅朋友岀黎食番餐 平衡一下心态
网上见佢野食卖相同评价都唔错 就两个人上黎试一试 一入到去店员就带左我地入座 环境宽敞 枱同枱之间都有啲距离唔会话听到隔离枱讲咩
<第一道 大根沙律>
第一个𩠌我地叫左个沙律开开胃 萝卜丝配合青瓜相当爽口 加埋下面类似寿司醋味道嘅酸甜酱汁 净系闻到都口水流晒 食完呢个沙律真系可以食多好多野
<第二道 刺身拼盘(梅)>
刺身好多时都讲求新鲜同埋时令 因为时令先可以令鱼嘅肉质发挥得最好 今次嘅刺身有四款 而当中嘅𫚕鱼同红鲷最为岀色 红鲷食落鲜甜爽口 𫚕鱼鱼味十足 油脂分布平均 真系好难形容
<第三道 香葱吞拿鱼腩蓉薄脆>
呢个算系一个几特别嘅菜 叫嘅时间都系抱住试新野嘅心态 食落真系不得了 佢个薄脆唔系预早整定
系你叫佢先放落去炸 上枱果时仲系热嘅 配合冻嘅吞拿鱼蓉 有一冷一热嘅口感 而且鱼肉鲜甜味经过左薄脆之后更加特岀(个薄脆真系好似平日食嘅米通)
<第四道 牛油果彩虹卷>
听店员讲好多客黎到都会点呢个 作为一个为食嘅人听到店员咁讲一定要叫黎试下 一般卷物入面都系包裹住鱼生或者其他配菜 食落口第一啖就知道有咩唔同 入面包住嘅系小青葱 鱼肉比牛油果同青葱上下夹住 食落口口感十分特别 既有鱼肉嘅软嫩 又有青葱嘅爽口 还后仲有牛油果嘅绵滑 食完三旧完全唔够
<第五道 𩽾𩾌鱼肝豆腐>
食落口感酥脆 入面嘅豆腐炸过之后依然保持嫩滑
而且下面个汁 配合上豆腐 有带岀豆腐原本嘅豆香
<第六道 竹海老天妇罗乌东>
最后我地叫左个乌东作结 睇落平平无奇嘅乌东 食落真系完全睇得岀细心 先讲炸虾天妇罗 佢地嘅海老炸完之后依然保持湿润 而最重要嘅系佢地炸到连虾尾都脆到可以食 加上个手打乌东 真系作为一个好好嘅收尾
<甜品 木瓜奶冻>
本来食完乌东已经好满足 但同行嘅朋友想食多个甜品 于是我哋就叫咗个木瓜奶冻 木瓜味香浓 奶味亦好足 无咩好挑剔
~~~~~~~~~~~~~~~~~~~~~~~~~~~~~~
推荐各位钟意食日本菜又对净系食黎食去都系连锁寿司店嘅你一试 食完包你为之一振 对日本菜有一个新嘅睇法 我仲有好多野未试 有时间一定再去
张贴
