Prosit Bar and Restaurant

营业中

休息中

今晩同个朋友食饭，上网咁啱睇见有人推介呢间徳国菜，所以就黎试下。今日星期一晚应该比较少人，所以都好舒服同好静，倾计一流。佢仲设计左个bar枱，如果钟意饮酒既朋友都可以坐系bar枱摸下酒杯底。我地两个人叫左三个菜，先黎个吞拿鱼沙律🥗份量都算大碟，两个人食刚刚好。我几钟意食吞拿鱼的，厨师将个汁调较得刚刚好，唔会太酸，食完仲好开胃。原本谂住叫个田园沙律，系侍应姐姐推介我地试下呢个，食完觉得都唔错。之后叫左个猪手，猪手已经起左骨，所以好方便，皮好脆，另外配菜都系以淡味为主，冇咁热气！最后要介绍下个苹果批，侍应姐姐原来系岀去学再自己加以改良，份量都多，味道好丰富，推介，有兴趣不妨试试个苹果批。