沙田強記雞粥 (已結業)

今日踩完单车 喺大围交车 已经六点半 知道lee度十几年前好出名 细个成日嚟食 我都唔知有冇易个手 今日带咗几个朋友嚟试吓 算怀缅一吓啦 我哋入到嚟已经要坐楼上 都真系几多人 由于时间尚早 我哋唔系好肚饿 净系嗌咗两只乳鸽 两碗鸡粥 蒜茸白菜仔 豉椒炒蛏子 唔洗五分钟就上咗蛏子同乳鸽 果然快得惊人 更可怕已经全场爆满 连楼上都坐满 我哋心谂好在上得嚟快 唔系冇得食 蛏子好新鲜同大只 个豉椒汁都唔错 乳鸽名不虚传 值得推介 其后鸡粥粥底好绵 好够味 不愧为镇店之宝 白菜仔都不错 估唔到今时今日都仍然好味 但系价钱偏贵 好在好味撘够 今餐食咗$283