達人包車 (已結業)

星期日夜晚逛到尖沙咀一带想食韩国炸鸡, 就自然黎到达人包车, 刚刚好有位唔驶等就可以入座, 坐低左谂好order但㩒制㩒左几次先有侍应睇到走过黎落单, 似乎人手唔系好够. 幸好上菜速度都几快, 柚子同芒果汁特饮都几清新, 不过柚子味道就相对较淡, 芒果好饮啲. 先上辣海鲜汤, 好大锅又好足料, 一捞就见到鲜虾,青口, 蚬, 八爪鱼同其他蔬菜, 热辣辣饮落好鲜甜好醒胃, 辣味又不会盖过海鲜嘅鲜甜, 很好跟住大大碟蜜糖炸鸡配薯条, 份量足有半只鸡, 外皮炸到脆卜卜配合满满的蜜糖汁, 唔想停口总结价钱好似略贵但份量都几足, 味道又不俗, 两个人都饱到上心口.