新麻蒲 BBQ (新都會廣場) (已結業)

葵芳新都会，的士站落车就已经见到好大个新麻蒲嘅牌，谂起啲韩式烧肉，口水都留埋... 走落去铺头门口睇吓，心多多，每样都想试... 就见到有个All In One BBQ set，牛&猪各部份每样都有，每样都试到～两个人左张卡枱感觉有啲大，但系啲嘢开始上枱，就发现多都唔够摆，最基本有支水及纸巾供应... 食韩烧，如果冇咗呢两样野都几论尽...一上台... 沙律、海带、泡菜、洋葱、生菜配料一应俱全～旁边有个泡菜烤蛋～到主菜上枱更利害... 腌肉系旧式韩国风味... 鲜肉系肥瘦均匀雪花肉～同一般韩烧食到嘅腌肉及鲜肉已经舔舔脷...佢最特别，有个烧猪皮，点黄豆粉... 烧熟咗质地好似食麻薯咁，餐厅特意配上黄豆粉... 餐厅职员示意，烧熟猪皮点上黄豆粉一齐食... 哗... 好好食㖞...就系铺满黄豆粉嘅麻薯感觉...