一豚豬手專門店 (匯景廣場) (已結業)

话说今晚有波睇，买定的野比老公边睇边食，下下食薯片鸡翼真系唔得掂，去买左个黑椒猪手过佢叹。依间野间中经过见到都几吸引，行过几次都想买，不过已经买到一手𩠌，下次下次，今次终于可以，猪手系招牌就点要买一买既，拣好即切！🔻黑椒猪手 $98🔻排得好靓仔，切好一片片之后上面再洒多层黑椒，仲配个甜酸辣酱。入口猪皮烟靭，肉质够软淋，仲好香黑椒味，而黑椒味又唔会太辣抢左味，同猪手好夹。🔻韩汁嫩鸡髀 $30🔻只髀都几大只，切开有成8件，食落啖啖肉，仲唔鞋口，个韩汁都几好味，甜甜地，最正系鸡皮，有油脂但唔腻，而且报满酱汁，好好食。