影片
更多
2009-10-20
58 浏览
上海荣华川菜馆挨左几个年头, 终于都挨到载四方帽..唔洗返学既日子有点百无聊赖…刚刚又转季….又到买衫既时间la~同朋友行完观塘后, 一d收获都无..打算去食饭, apm 又人山人海…记得好耐以前睇过openrice 有间上海”老”菜馆, 有用茶盅(盖碗茶)沏的八宝茶…(记得f.7毕业后, 去上海玩时, 系一间饭店饮过, 之后再系同乡卖胎菊既地方饮过, 每一次既味都不同。而系香港仲用茶盅沏茶待客既地方已不多, 小时候太嫲果d长辈成日都会沏茶, 好挂著用茶盅饮茶既感觉就行过去街巿附近望下, 原来好易就揾到~小时候太嫲告诉我:八宝茶在中国很多地方都有, 连西北回族都有用八宝茶奉客的习惯, 但内里的药材配伍各有不同, 功效不一, 主要是清润滋补挂~而, 我地叫的茶盅, 所谓"盖碗茶",包括茶盖、茶碗、茶船子三部分。 茶船子,又叫茶舟,即承受茶碗的茶托子。相传原来的茶杯是无衬底,常常烫著手指, 于唐时西川节度使崔宁的女儿, 因而以蜡做成圈,以固定茶碗在盘中的位置/ 木盘子来承托茶杯(无法考研用什么物料), 以后演变为瓷质茶托。去到等左5分钟左右就有个唔错既卡位, 真系好彩, 唔洗搭台~ 而内
挨左几个年头, 终于都挨到载四方帽..
唔洗返学既日子有点百无聊赖…刚刚又转季….又到买衫既时间la~
同朋友行完观塘后, 一d收获都无..
打算去食饭, apm 又人山人海…
记得好耐以前睇过openrice 有间上海”老”菜馆, 有用茶盅(盖碗茶)沏的八宝茶…(记得f.7毕业后, 去上海玩时, 系一间饭店饮过, 之后再系同乡卖胎菊既地方饮过, 每一次既味都不同。而系香港仲用茶盅沏茶待客既地方已不多, 小时候太嫲果d长辈成日都会沏茶, 好挂著用茶盅饮茶既感觉就行过去街巿附近望下, 原来好易就揾到~
小时候太嫲告诉我:
八宝茶在中国很多地方都有, 连西北回族都有用八宝茶奉客的习惯, 但内里的药材配伍各有不同, 功效不一, 主要是清润滋补挂~
而, 我地叫的茶盅, 所谓"盖碗茶",包括茶盖、茶碗、茶船子三部分。 茶船子,又叫茶舟,即承受茶碗的茶托子。
相传原来的茶杯是无衬底,常常烫著手指, 于唐时西川节度使崔宁的女儿, 因而以蜡做成圈,以固定茶碗在盘中的位置/ 木盘子来承托茶杯(无法考研用什么物料), 以后演变为瓷质茶托。
去到等左5分钟左右就有个唔错既卡位, 真系好彩, 唔洗搭台~
而内里既侍应同柜台收银既都系年轻人…可能系承接祖业吧~
本来想散叫
但上左个二人餐的餐牌的当, 以为两菜一汤+点心的套餐$118
原来系一菜一汤+点心$108, 两菜一汤的套餐$118(转砂锅云吞鸡另+$20)
落单时先发现, 唯有叫个二人餐(两菜一汤) 再加小笼饱
最先上的既系小笼饱- 样子一点都不讨好, 邹邹既外皮, 但系食落完来都有肉汁, 但系好浓酒味~虽然明知d酒味系用黎消除冰鲜肉既雪味, 但系朋友亦十分喜爱~
接著上来的是 奶油津白 – 个奶油几特别, 加上好重芝士味, 够香口, 好在我地两个都系芝士迷兼唔咪减肥中….haha~(一定要热食, 否则芝士会凝固)
菜饭-菜饭有冬菇粒.d菜, 视觉上比白饭大碗, 由于对冬菇有过敏, 所以无试到, 但友人话太干, 最后仲要加入砂锅云吞鸡既汤, 变汤饭先食到完~
白饭- 太湿….唯有当米糕咁食…
砂锅云吞鸡- 细细份, 有一只鸡脾份量(嚼口十足), 云吞有四粒, 还有几棵小唐菜, 不过汤底唔错, 唔腻, 当中的云吞系用广东皮, 虽然细细粒, 但皮簿加上馅系做左小宠包既肉馅, 仲吸收晒鸡汤既鲜味, 猪肉+鸡肉相互提鲜, 云吞才是这道菜既精华 , ~
糖醋鱼块- 估不到鱼块系用既炸鱼块, 亦即系鱼柳包入面既鱼仲要系”簿”版+斜切成三角, 鱼肉已经干晒, 仲要系十级甜度, 超高GI值, 勉强食左一块后, 即时无晒食欲, 本人已很尝甜, 平时的零食是冲绳黑糖方块, 也不能再放多一件入口。可能年轻人, 想玩下创新用下新食材, 但可惜新不如旧~
与同级相比都系尖沙咀既老正兴价廉物美, 就连常悦素食既假肉都好食过佢..！
八宝茶: 用了茶盅保持茶温, 茶是用上龙井茶叶(但没有茶香)、胖大海(ok)、用上味道较清味而价钱较便宜的白菊花(虽然没有贡菊, 没有胎菊, 但可见系有限既资源下的心思)、红枣(ok)、杞子(唔酸,ok)等, 白砂糖/ 精制的冰糖(唉, 完全失去冰糖的清甜而不上痰的特点, 搞到又要不停咁喝饮茶, 仲要俾白衫待应哥哥寸「住得远唔远, 惊你地要系咁去厕所㖞~」, 唉！若果唔系你地d野咁鬼甜, 住系新界乡郊既我又点会不停咁饮茶呀…我10点几系到走, 转两次车返到屋企成12点, 你估我会想饮架咩..！结果要借用佢地既厕所… 唉！个女厕既门居然系无法完全关上既…若果唔系咁远水路真系唔会去….
当白衫四眼哥哥收左台之后, 有个落单肥哥哥仲会问下食物意见, 仲俾咭片我地话下次可以book位先…当我地话佢知糖醋鱼块超甜, 佢话做乜唔同佢地讲, 等佢地煮过, 唉！其实收台果阵, 白衫四眼哥哥见我地碟野几乎完封不动, 已经问左意见, 我地都有话佢知架..只系佢当无听过啫~ 而我地食紧果阵又见到柜台既哥哥同肥哥哥有d 争执…！算la~ 反正又唔系贵, 都系安全至上~
总体黎讲, 佢地既服务已经算唔错, 等位快, 又唔会要我地2个人坐一则, 任由我地坐系四人卡位到, 又不停咁加茶
食物既味道就如坐过山车, 本来有5分, 但系实在有太大反差既出现…只有3分
回忆总是美好的, 不管如何此店亦给予我有”回忆”的机会, 希望佢可以保留旧有好处既亦同时将不好既纠正~
否则, 日日系openrice上top 10都无用
见到近来店内既食评既用户, 相信, 大家都明白固中既玄机~
张贴
