吉野家 (V Walk)

营业中

休息中

夜晚9点返到南昌，好似都无乜餐厅仲有得食，但又想打边炉，经过吉野家，谂起以前成日打，一于回忆一下🤭。叫咗个火锅套餐，有饭有乌冬拣，份量同以前一样充足，有菜、有肉、有饺子，最重要个芝士狮子狗仲系到。不过个肉可能喺雪柜攞出嚟，仲系硬既，分唔开，不过放咗阵就可以啦。个浓汤好浓郁，味道较哂味，食到最后渌埋个乌冬，入哂味，好好味！除咗好味，个份量够哂饱😆。如果唔够食，仲可以自己额外加唔同既𩠌，就算几大食都一定够哂食。