翠華餐廳 (已結業)

以前系尖沙咀返工，一星期都会食几次翠华早餐。自从转左地点后，已经好耐冇嚟过呢度啦。今日难得出开尖沙咀梗系约好朋友出嚟会面一下啦。原来早餐已经加到$40啦，仲要跟餐冇咗牛油猪。我的最爱奶油猪要加$16先有。嗌咗沙嗲牛肉面，公仔面则依然煮得弹牙，唔会好淋。沙嗲牛肉煮得好入味，配合埋辣椒油就系正宗嘅港式味道。不过今次滑蛋煮比较差，冇味之余煮得太耐，熟得滞。冻柠茶少甜，都系咁甜，不过都可以接受。冇咗奶油猪，换来嘅系3.6牛乳餐包，质感都几软熟，冇奶油猪比较之下其实都几好。