影片
更多
2009-11-27
145 浏览
今日约了表表教主, 基基, 外星人, 火星人去影相, 想去影返细个时住既地区, 因为好耐都无踏足过..所以约定了今日影相也...影相前, 本鱼提议去饮茶, 横树要去荷里活道, 东街/普庆街等地影相...于是相约于莲香居饮茶返个茶先. 外星人和火星人先到, 好彩去到佢地已揾到6人枱, 随后教主和基基都到达. 点心车仔一黎到, 呀姐话焗西米莲蓉布甸好食, 仲话刚出咋...转头就无...第一样野..食甜食? 于是我地叫了一碗share...第一羹..哗...水水的..入面还未焗透呢! 莲蓉唔多够香呢~ 鸡丝粉卷, + 猪润烧卖- 本鱼唔食...但听相公话猪润唔太新鲜呢... 潮州粉果- 皮比较厚, 馅都算多..., 如皮薄返D, 口感会好好多 鹌春蛋烧卖- 好少地方有了...本鱼唔食鹌春蛋, 听其他人讲都可以 鸭掌柚皮- 柚皮入味, 唔错架.. 叉烧酥 - 外皮松化, 馅入面够热, 而且唔系好似出面咁d 馅用肥叉烧呢 烧腩卷 - 次次去莲香楼都要抢先有得食架, 黎到莲香居..等了好耐都未出现, 好彩部长叔叔既帮手, 拎了2笼新鲜出炉比我地唷~ 马拉糕 - 依家出面食到咁怀旧既味道, 同
影相前, 本鱼提议去饮茶, 横树要去荷里活道, 东街/普庆街等地影相...于是相约于莲香居饮茶返个茶先.
外星人和火星人先到, 好彩去到佢地已揾到6人枱, 随后教主和基基都到达.
点心车仔一黎到, 呀姐话焗西米莲蓉布甸好食, 仲话刚出咋...转头就无...第一样野..食甜食? 于是我地叫了一碗share...第一羹..哗...水水的..入面还未焗透呢! 莲蓉唔多够香呢~
鸡丝粉卷, + 猪润烧卖- 本鱼唔食...但听相公话猪润唔太新鲜呢...
潮州粉果- 皮比较厚, 馅都算多..., 如皮薄返D, 口感会好好多
鹌春蛋烧卖- 好少地方有了...本鱼唔食鹌春蛋, 听其他人讲都可以
鸭掌柚皮- 柚皮入味, 唔错架..
叉烧酥 - 外皮松化, 馅入面够热, 而且唔系好似出面咁d 馅用肥叉烧呢
烧腩卷 - 次次去莲香楼都要抢先有得食架, 黎到莲香居..等了好耐都未出现, 好彩部长叔叔既帮手, 拎了2笼新鲜出炉比我地唷~
马拉糕 - 依家出面食到咁怀旧既味道, 同细个时食既味道一样, 松软, 味浓
梅菜叉烧包- 点心姐姐系到叫梅菜叉烧包, 我地八卦地不如叫1笼黎试下, 因为我地未听过有咁既叉烧包架, 初时我地都有D担心..味道会唔会好怪呢, 咬一口, 好夹既味道, 梅菜唔咸, 入口带点甜, 加上浓浓叉烧+汁..热辣辣..好味呢~
冬菇酿虾胶- 冬菇大只, 但冬菇未浸透而拎去蒸...虾胶也算弹牙.
还食了凤爪, 棉花鸡, 鸡批和咖哩鱿鱼, - 凤爪味啖...棉花鸡可以, 鸡批, 个皮太甜, 用了叉烧酥一样作皮面, 本鱼..都系钟意饼店用既牛油饼皮多D呢, 咖哩鱿鱼用了发水了既鱿鱼, 而且只系食到表面有咖哩味, 入面完全无味...唔好食....
总括, 都可以一去, 因为有D点心较特别, 莲香居比莲香楼坐位较舒适, 唔, 最好选择时间早一点点去, 晏了去, 某些点心, 如灌汤饺已卖完了...
P.S. 教主系唔钟意饮茶, 但也肯陪我地饮, 感谢万分!
张贴
