660
331
160
等级4
2017-07-14 6182 浏览
今日表姐出开黎话同我地食晚饭,谂唔倒食乜,脑海只出现尖东名物好时沙嗲,见表姐都话未食过,就决定食好时。***************记得对上一次约左朋友喺尖沙咀食晚饭,本来想食好时,点知揾黎揾去都揾唔倒,先喺开饭网见倒佢结业,之后到佢原址开返都冇黎过,所以距离对上一次帮趁都有十年八年前。重开嘅好时,打通左五间铺,所以坐得都冇咁迫。唔知系咪因为平日关系,食客同以前比算少,起码七点几去到都仲有大把吉位。沙嗲猪-半打($49)食哩类星马野唔少得串烧,串烧有猪牛鸡拣,但因为同一款最少叫半打,我地又得四个人,所以我地就叫左猪牛各半打。哩度嘅串烧份量同新加坡差唔多,每一串大约只有一只手指咁长,唔似港式街边沙嗲串烧咁有成只手板咁长,味道方面猪肉都算腍,沙嗲酱都香,但唔算特别突出。妈妈就话觉得以前街边嘅港式沙嗲好食好多,之前新年都试过特登揾啲走鬼档食,讲真走鬼档未必真系咁好食,好多时都系食个风味,食个回忆,不过同味道偏甜嘅港式沙嗲比,个人就比较钟意食后者多啲,因为正如我好耐之前喺一篇食评讲过,所谓正宗只系代表制法跟返原创,但唔同地方口味都唔同,所以即使跟返正宗,第二个地方嘅人都未必会觉得好食。沙嗲牛-
今日表姐出开黎话同我地食晚饭,谂唔倒食乜,脑海只出现尖东名物好时沙嗲,见表姐都话未食过,就决定食好时。

***************

记得对上一次约左朋友喺尖沙咀食晚饭,本来想食好时,点知揾黎揾去都揾唔倒,先喺开饭网见倒佢结业,之后到佢原址开返都冇黎过,所以距离对上一次帮趁都有十年八年前。

重开嘅好时,打通左五间铺,所以坐得都冇咁迫。唔知系咪因为平日关系,食客同以前比算少,起码七点几去到都仲有大把吉位。

沙嗲猪-半打($49)


食哩类星马野唔少得串烧,串烧有猪牛鸡拣,但因为同一款最少叫半打,我地又得四个人,所以我地就叫左猪牛各半打。

哩度嘅串烧份量同新加坡差唔多,每一串大约只有一只手指咁长,唔似港式街边沙嗲串烧咁有成只手板咁长,味道方面猪肉都算腍,沙嗲酱都香,但唔算特别突出。妈妈就话觉得以前街边嘅港式沙嗲好食好多,之前新年都试过特登揾啲走鬼档食,讲真走鬼档未必真系咁好食,好多时都系食个风味,食个回忆,不过同味道偏甜嘅港式沙嗲比,个人就比较钟意食后者多啲,因为正如我好耐之前喺一篇食评讲过,所谓正宗只系代表制法跟返原创,但唔同地方口味都唔同,所以即使跟返正宗,第二个地方嘅人都未必会觉得好食。
沙嗲猪-半打
$49
56 浏览
0 赞好
0 留言

沙嗲牛-半打($49)


蘸左沙嗲酱后,基本上味道都差唔多,只系沙嗲牛明显肉质比沙嗲猪粗鞋。
沙嗲牛-半打
$49
45 浏览
0 赞好
0 留言

巴东牛肉($59)


巴东牛肉其实系印尼菜,印尼人食饭通常用手,所以印尼人整巴东牛肉个酱汁时,通常都会磨碎晒啲香料先,务求啲酱汁滑得黎又黏得住啲牛肉。

哩个巴东牛肉酱汁都几滑,牛肉亦软腍,味道唔错,啲酱最啱用黎𩠌饭。
巴东牛肉
$59
73 浏览
0 赞好
0 留言

椰汁饭($12)


椰汁饭都几大碗,白饭中间都见倒白色一堆堆嘅椰汁,食落椰汁味普通,不过白饭唔会过腍。
椰汁饭
$12
50 浏览
0 赞好
0 留言

排骨茶($63)


排骨茶其实即系肉骨茶,哩度嘅肉骨茶系马拉药材味版,但味道就唔够浓,汤底黏度亦唔够,比较水汪汪,油炸鬼亦干柴柴,味道非常一般。
排骨茶
$63
51 浏览
0 赞好
0 留言

炒贵刁($49)


炒贵刁系全晚比较好味嘅菜,卖相有别于港式颜色偏黄嘅炒贵刁,反而比较接近新加坡嘅炒粿条,都系用豉油黎炒。份量虽然比较细碟,只够一至两个人,但胜在价钱平,人少叫一碟炒贵刁仲可以试下其他野。
炒贵刁
$49
128 浏览
0 赞好
0 留言

海南鸡饭($53)


海南鸡饭本身跟左油饭,以晚市黎讲都算抵食。海南鸡只有最面𠮶层有鸡,下面其实系菜,哩个价钱当然预左,不过鸡肉就略嫌鞋左啲,同埋跟海南鸡个汤系冇味嘅。
海南鸡饭
$53
48 浏览
0 赞好
0 留言

总结,已经成十年冇食好时,唔知系因为当时柴娃娃一大班人食乜都觉得好食,定我对食有要求左,定食物真系差左,今次再黎,觉得除左抵食,食物真系好一般,相信如果食物味道冇提升嘅话,以而家咁贵嘅租,好时都好难生存落去。
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食
人均消费
$100 (晚餐)
推介美食
炒贵刁
$ 49