荔園茶餐廳 (已結業)

系尖沙咀一个人行街，买完野系商场行出黎，突然觉得有啲肚饿，就去揾下野食。过左马路之后行一阵就见到门口有只公仔，抬头一望系荔园茶餐厅。荔园，可以话系上一代香港嘅回忆，仲记得细个跟爸爸去过荔园玩，自然都有返啲特别嘅感觉，所以入去试下都好。一入门口就有一啲标示住呢到同荔园有关嘅装饰：挂系天花板嘅马、墙上面嘅挂画、天花板用嘅灯泡同埋扮阶砖嘅枱，真系几有感觉。到重点喇，叫左个Dino喷火咖哩配慢温牛肋肉饭，加多杯黑牛。见佢讲喷火，本身以为会系入口好辣，椰汁味浓果种咖哩，但食落先发觉系另一回事。咖哩本身嘅性质比较贴近印度咖哩，普通茶记嘅咖哩汁完全冇得比，辣味香多于辣，而辣嘅感觉会系食左落去先出返黎，辣而不呛，唔错。再讲牛肋肉，慢煮嘅牛肋肉好林。美中不足嘅系个饭太软，如果干身啲就好。最后就系我最期待嘅画面-黑牛。黎到之后赶得切系雪糕未融之前食左两啖，几好食。等佢融埋之后捞埋再饮，一个字，爽！可乐嘅气同雪糕嘅甜味捞埋之后正好解左咖哩嘅辣味，饮完之后成个人都舒服晒，好想摊系到训教。荔园茶餐厅，食物尚算ok，价钱唔系特别亲民，但尖沙咀区，加上回忆所带黎嘅满足感系笔墨形容唔到，值得一试。