發發快餐 (已結業)

周六同家人去发发食个lunch,真系好多年无食过，2点左右都几多人。细个最钟意食呢度既黑椒牛扒意粉，所以睇左一阵餐牌都系决定食返呢个。堂食跟餐有个餐汤，粟米忌廉汤，咁多年都系呢个味道，大大碗结结地好多粟米，怀念😌黑椒牛扒肠仔意粉，厨房哥哥问我地8成o唔ok😂不过对我来讲我分唔到。而家来讲，呢度相比附近餐厅算系大大碟，而价钱又合理。牛扒仍然系个种味道，系个黑椒汁无以前咁辣，反而甜味重左，易入口左🤔意粉就少少碎，但系应该炒过，有口感既意粉来的。