小籠家族 (已結業)

行在人来人往的街道中，突然回忆起上海的味道，提醒紧自己好耐都无食上海菜啦，于是就揾到这间小笼家族来回味下，点完菜才发现我地叫嘅都唔系经典嘅上海菜，不过唔紧要啦，好味就得啦。干煸四季豆：任何食物干煸过都一定好食噶啦。但佢唔会煮得过火，食落都爽口，肉碎都有调味，有啲咸香味，几好送饭。家族海鲜炒饭：大大碟又足料，唔错。招牌口水鸡：以为只是一小份，点知都几大份下，酱汁调味唔错，仲有香葱和花生碎铺系面，肉质滑嫩，食落好香。手拍小黄瓜：夏日必点嘅清新凉菜！我去边度食饭都好，见到MENU有手拍黄瓜一定拣。手拍青瓜真系间间餐厅都可以整到唔同味，因为切到唔同size同埋调味的唔同都会影响味道和口感。呢只特色就系有好多芝麻，食落会香口啲。我地仲加啲口水鸡嘅汁落去，有啲麻辣香就更加好味啦！流沙煎堆：我系见好耐都无食过煎堆，以前细个过年返乡下早餐好似有食过，叫一份嚟怀念下儿时的味道。食落热辣辣，烟韧又香酥。