뽀끼 正宗韓國小食 (已結業)

今日猫猫去旺角配完韩式眼镜，就决定食韩式野黎衬返今日靓靓既韩式心情。因为猫猫好肚饿，所以叫左好多野食。韩式酱烤鸡，想食好耐。啱啱整出黎，香喷喷。烤鸡出边表层好香，唔知用咩黎整。食韩国街边小食梗系要食奥丁。奥丁配埋汤底一齐食，暖笠笠。由于猫猫好挂住明洞既炸酱面，所以叫左个炸酱面试下。炸酱面份量好多，味道同韩国食既一样。猫猫钟意食佢个面，质感好，而且索晒炸酱，味道足，食完已经好饱。猫猫身为港猫，大食系基本啦！即刻叫多个韩式寿司卷过下口瘾，反正兵仔比钱。寿司卷都几足料，可以见到d料系多过饭，好抵呀。入口就食到麻油味，好香，呢个好食又抵食，猫猫自己一个食晒，兵仔睇住我食表示满足。原来店员有个系韩国人，我谂野食都真系好正宗。