永樂餃子店

营业中

休息中

以前喺上环返工，成日都会嚟食呢间饺子店，佢主打嘅系用花胶汤底熬汤，仲要有两只大花胶俾你食，再配大大只啖啖肉嘅饺子，估计佢饺子嘅风格系北方饺子，因为皮比较厚，饺子比较大只，入边嘅馅好足料😀今日经过上环，所以特登都嚟重温番呢一个回忆。点知佢而家已经冇咗花胶做配料，问咗店员，佢哋话汤底仍然系用花胶煲嘅，但系已经冇再配埋花胶比客人，因为成本上涨。今日饮啖汤发现炖汤已经冇以前咁浓郁，好似淡口左少少，叫咗四只粟米饺，四只韭菜饺，水饺依然大大只好好味，但已经唔再系回忆入边𠮶一种好浓郁，花胶汤底味嘅饺子店了，有少少失望，但整体来讲呢个价钱呢个质素，都推荐大家嚟一试