樂天大喜屋 (已結業)

对话同美食都系重要嘅input，两者兼备好幸运。放工就要食好西，奖励自己。食放题好处系可以放任咁食，化今日嘅喜悦同听日工作嘅悲愤为食量。放题以日式为主，当然唔少得刺身。三文鱼、带子好厚身。虾都有好多种，有虎虾、赤虾、甜虾，个人最钟意虎虾，大大只，又鲜甜。除咗刺身，寿司亦都系回本之选。寿司都好有心机。黑松露赤虾拖罗蓉鱼生塔，净系个名都知道好丰富，各种食材配合得好好，黑松露更加突出拖罗鲜味，唔会喧宾夺主。芝士鳗鱼玉子烧好邪恶，令人一啖接一啖。卷物最推介香芒吉列虾卷。Juicy嘅芒果加脆口嘅虾令口感唔单一。香芒令到味道更据层次，增加清新感。熟食都有唔同选择，仲可以自助攞章鱼烧。Encore食嘅系炸鲜奶，外脆内软。牛奶甜甜地，系好吸引嘅小食+甜品。芝麻鸡翼都好香口惹味。食得好满足，临走仲有movenpick 雪糕。